من طرف 
الجولاش بالكريمه من الشيف
الشيف ايمن العطار
المكونات
1 لفه جولاش
1 كوب كبير سمنه سايحه
شربات الجولاش هيكون 1 كوب سكر مع 1 ونص كوب مايه مع نصف ليمونه ومش تسيبيه يغلى اوى على النار لانى عايز شربات الجولاش يكون خفيف
مكسرات ودى هتكون حسب رغبتك لو حابه تعمليه بالمكسرات هتكون مبشوره طبعا
الكريمه بقى ودى سهله جدا وهنتعلمها مع بعض النهارده ومكوناتها هتكون
2 كوب لبن حليب
2 معلقه كبيره نشا
طريقه الكريمه هنحط كوب ونص من اللبن على النار يغلى وبعدين ندوب النشا فى نص كوب اللبن اللى فاضل عندك وننزل بيهم على اللبن لحد مايربط معاكى ويديكى كثافه الكريمه المطلوبه وهنا انا مضيفتش سكر خالص على الكريمه بتكون اجمل واحلى عشان الشربات بتاع الجولاش لسه هنضيفه ومش تبقى مسكره اوى وتجذع النفس
الطريقه
هنجيب صينيه وندهنها سمنه وبعدين نحط 2 راق من الجولاش وبعدين ترشى سمنه وبعدين 2 راق وسمنه وهكذا لحد ماتحطى حوالى 10 راقات من الجولاش وبعدين نضيف الكريمه اللى عملناها وبعدين نبتدى نعمل زى ماعملنا فى الاول تانى 2 راق جولاش وسمنه و2 راق جولاش وسمنه وهكذا بعد كده هنقطع الجولاش فى الصينيه قبل دخولها الفرن على درجه حراره 150 لمده 15 دقيقه او لحد اللون مايتحمر ونسقيها بالشربات ويكون بارد بعد ماتطلع من الفرن ونقدمها لو حابه تضيفى مكسرات حطيها على وش الصينيه وبالهنا والشفا الشيف ايمن العطار
