من طرف 
مساء الخير والهنا والسعاده على احلى واجمل فانز فى الدنيا كلها
النهارده هنعمل مشروب السحلب الشتوى فى البيت ومش هنشتريه من بره عشان يبقى مضمون وصحى وكل مكوناته عندك فى مطبخك
السحلب من الشيف ايمن العطار
المكونات
3 معلقه نشا او كورن فلاور
نصف كوب ارز مصرى عادى وهتضربيه فى الكبه او الكيتشن ماشين لحد مايبقى بودر معاكى
1 كوب لبن بودره
3 معلقه جوز الهند مبشوره
1 معلقه صغيره فانيليا
1 معلقه كبيره سمسم
2 معلقه كبيره سكر بودره
2 معلقه كبيره مكسرات مبشوره اى نوع عندك لوز او فستق او حتى سودانى
الطريقه
هتقلبى كل المكونات دى ونقلبها كويس مع بعض وتجهزى برطمان وتحطى فيه مسحوق السحلب ده وتحفظيه فى الثلاجه وعند الاستخدام هتضيقى معلقتين على كوب لبن وتسيبيهم يغلوا على النار وبالهنا والشفا الشيف ايمن العطار
