من طرف 
احلى واجمل واسهل تارت فاكهه من الشيف ايمن العطار
المينى تارت
المكونات
عشان نعمل 15 تارت بالحجم الصغير زى الصوره كده بظبط
400 جرام دقيق
125 جرام سكر بودره
1 بيضه
250 جرام زبده
معلقه فانيليا
اى انواع فاكهه عندك كيوى فراوله خوخ اناناس توت مانجو عنب او كريز
كريم باسترى وده قلت بيتعمل ازاى وممكن اجيبه جاهز من السوبر ماركت بودره واعمله
كوب الكريم باسترى بياخد كوب ونصف لبن حليب او ماء بارد ومن غير سكر لانه فيه السكر بتاعه وممكن كمان تستخدمى كريم شانتيه او كاسترد فى الحشو زى مانتى بتحبى
طريقه العمل
بضرب الزبده مع السكر البودره على ايدى لحد متبقى هشه وبعد كده بنزل بالبيضه عليهم مع التقليب المستمر ثم الفانيليا والدقيق لحد متعمل معايا عجينه متماسكه بعد كده بقسم العجينه على اد فورم التارت الصغيره اللى هعمل فيها التارت وبعدين بفرد العجينه فى الفورم وبعمل لها اطراف فى الجوانب وبعدين بخرمها بالشوكه قبل مدخلها الفرن على درجه حراره 180 لمده ربع ساعه بعد متخرج من الفرن بسيبها تبرد وبعدين بحط الكريم باسترى على فورمه التارت وبعدين بقطع الفاكهه اسلايز حلقات وبرص فيها على التارت بشكل شيك وجميل وبالهنا والشفا الشيف ايمن العطار
