الفراخ المارينجو من الشيف ايمن العطار ولا اجمل ولااروع من كده وبكل سهوله زى متعودنا
المكونات
1 كيلو صدور فراخ شرائح بدون جلد او عظم
3 كوب عصير طماطم
1 معلقه كبيره معجون صلصه
1 بصله كبيره مفرومه
1 معلقه ثوم مفروم
نصف كوب زيتون اسود
نصف كوب زيتون اخضر
نصف كوب مشروم
1 ربطه كزبره خضرا مفرومه
ملح وفلفل اسود
1 معلقه كزبره ناشفه
1 طماطم مكعبات
1 معلقه صغيره زعتر بودره
الطريقه
هنجهز طاسه على النار فيها شويه زيت بسيط وبعدين نتبل صدور الفراخ بالملح والفلفل والزعتر وبعد كده ناخد الفراخ سوتيه على الوجهين ونشيل الفراخ من الطاسه ونركنها على جنب لانها هتكمل تسويه مع الصوص اللى هنبتدى نجهزه فى حله على النار فيها شويه زيت بعد كده هنضيف البصل المفرم ونقلب كويس لحد مالونه يصفر بعد كده بنضيف الثوم والمشروم ونقلب كويس وبعدين معجون الصلصه والكزبره الناشفه مع التقليب بعد كده بنضيف عصير الطماطم والزيتون ونسيب كل الصوص ده يغلى مع بعضه بعد كده هضيف الفراخ عشان تكمل تسويه فى الصوص ونتبل بالملح والفلفل والزعتر ونضيف اخر حاجه الطماطم المكعبات والكزبره الخضرا ونقدمها مع اسباجتى او ارز ابيض او ارز بالشعريه وبالهنا والشفا الشيف ايمن العطار