من طرف 
الكريب ع الفطار او حتى ع العشا والنهارده هنعمل اسهل واجمل عجينه كريب واللى عندها مربى او عسل ابيض او شيكولاته نوتيلا وبتحب الكريب بالحاجات دى تقوم حالا تعمل الكريب السهل ده
الكريب من الشيف ايمن العطار
المكونات
نصف كيلو لبن
ربع كيلو دقيق
معلقه كبيره سكر
ربع فنجان زيت زره
4 بيضات
كيس صغير فانيليا
الطريقه
هنضرب البيض مع اللبن مع الفانيليا بالمضرب السلك كويس اوى وبعدين هنضيف السكر مع التقليب وبعدين نضيف الدقيق مع التقليب وفى الاخر هنضيف الزيت لحد ماتحصلى على عجينه سائله متماسكه وبعدين نصفى العجينه دى بمصفاه رفيعه وبعد كده هنجهز طاسه تيفال وندهنها زيت بسيط اوى ونحط مقدار من العجينه دى فى الطاسه على النار ونقلبها على الوش التانى وهكذا لحد ما الكميه كلها تخلص معاكى وبعدين نحشيها الحشو اللى بنحبه زى الشيكولاته او مربى الفراوله او مربى البرتقال الشهيه او العسل النحل وممكن نحتفظ بباقى كميه الكريب بدون حشو بالثلاجه ونغطيه كويس ببلاستيك وهيقعد حوالى 3 ايام كويس جدا ومش هيجرى له اى حاجه وبالهنا والشفا الشيف ايمن
