من طرف 
طرقة عمل شيش طاوووق
اسهل طريقه للشيش طاووك من الشيف ايمن العطار
المكونات
1 كيلو اوراك مخليه بدون عظم او جلد ولو بتحبى الصدور مفيش مشكله مقطعه مكعبات كبيره
المارنيه الخاص بالشيش طاووك وده ناخد بالنا منه كويس اوى لانه هو ده اللى بيدى طعم الطاووك وبيدى اللون كمان اللى محتاجينه
2 بصله مقطعه
2 فص ثوم
2 فلفل رومى مقطع
ربع كوب خل
معلقه زعتر
1 معلقه كبيره كركم
1 معلقه كبيره بابريكا
2 علبه زبادى
2 علقه صلصه بوريه
معلقه صغيره جنزبيل مطحون
ا معلقه كبيره زر ورد
1 معلقه مسطرده
1 جوز الطيب مبشوره
5 ورقه لوره
نصف كوب زيت
ملح وفلفل اسود حسب الرغبه
كل ده فى الخلاط مع بعضه ماعدا الزبادى ويتفرم فى الخلاط فرم ناعم جدا عشان مش يكون فيه تفل للبصل وبعد كده بحط الزبادى عليه وبقلبه كويس بحيث ان الزبادى يتجانس مع باقى التوابل المضروبه فى الخلاط دى بعد كده بضيف المارنيه ده كله على مكعبات الفراخ وبسيبه فى الثلاجه لمده ساعه
اكون جهزت فيها بصل مكعبات وفلفل الوان معكعبات عشان الشيش واجهز اعواد الشيش
بطريقه سهله جدا قطعه فراخ ثم قطعه فلفل وبصل ثم قطعه فراخ ثم قطعه فلفل وبصل وياريت منزودش الفراخ اكتر من 4 او 5 قطعه فى الشيش عشان الفراخ تستوى معايا
بعد كده بشويه على الفحم او الجريله الكهرباء او حتى فى صينيه فى الفرن لو مش عندى فحم وبالهنا والشفا الشيف ايمن العطار
