مساء الخير على احلى واجمل فانز فى الدنيا كلها
البان كيك بطريقه ولا اسهل ولا اجمل من كده
بان كيك عسل النحل من الشيف ايمن العطار
المكونات
2 كوب دقيق
1 كيس بيكنج بودر
معلقه صغيره خميره فوريه
معلقه كبيره سكر
نصف معلقه صغيره ملح
2 كوب لبن
زره فانيليا
2 معلقه زيت زره
2 بيضه
عسل نحل للتغطيه
الطريقه
هنضرب البيض مع اللبن مع السكر مع الخميره والفانيليا والملح ونقلبهم كويس بمضرب سلك وبعدين نضيف الدقيق مع البيكنج بودر مع التقليب بالمضرب وبعد كده نضيف الزيت وبعد كده نصفى العجينه كويس بمصفاه ونجهز طاسه تكون سخنه ومدهونه زيت بسيط اوى ونحط مقدار فى الطاسه لحد ماتاخد لون ونقلبها تاخد لون على الوجه التانى وهكذا لحد مالعجينه تخلص معاكى وبعد كده هتسيبى البان كيك يبرد وتحطيه فى طبق التقديم وتجمليه بعسل النحل عند التقديم وممكن كمان تجمليه بسكر بودره او بشيكولاته او حتى بمربى اى نوع بتحبيه وبالهنا والشفا الشيف ايمن العطار